ઊંઝામાં વૃક્ષારોપણ થકી પર્યાવરણ દિવસની ઉજવણી…

વિશ્વ પર્યાવરણ દિવસ નિમિત્તે આજે સમગ્ર દેશમાં પ્રકૃતિના જતન માટે વિવિધ કાર્યક્રમો યોજાઈ રહ્યા છે ત્યારે ઊંઝા શહેર ભારતીય જનતા પાર્ટી દ્વારા પણ પર્યાવરણ દિવસની ઉત્સાહભેર ઉજવણી કરવામાં આવી હતી. આ નિમિત્તે ઊંઝાના ધારાસભ્ય અને ભાજપના વિવિધ સંગઠનોના હોદ્દેદારોની પ્રેરક ઉપસ્થિતિમાં વિશેષ કાર્યક્રમનું આયોજન કરવામાં આવ્યું હતું. આ ઉજવણીના પ્રસંગે ઊંઝા ધારાસભ્ય, ઊંઝા શહેર ભાજપ પ્રમુખ તેમજ ઊંઝા નગરપાલિકાના પ્રમુખ ક્રિમાબેન પટેલ ખાસ ઉપસ્થિત રહ્યા હતા. કાર્યક્રમ દરમિયાન ઉપસ્થિત મહાનુભાવો દ્વારા પર્યાવરણની જાળવણી અને વૃક્ષોના જતન માટે સંકલ્પ લેવામાં આવ્યા હતા. કાર્યક્રમને સફળ બનાવવા માટે ઊંઝા શહેર ભાજપ મહામંત્રી જતીનભાઈ પટેલ, નગરપાલિકાના ઉપપ્રમુખ અતુલભાઇ નાયક અને બક્ષીપંચ મોરચાના પ્રમુખ કિરણભાઈ નાયક સહિત સંગઠનના તમામ હોદ્દેદારો, ભારતીય જનતા પાર્ટીના વિવિધ મોરચાના હોદ્દેદારો અને નગરપાલિકાના ચૂંટાયેલા કોર્પોરેટરોએ પણ મોટી સંખ્યામાં ઉપસ્થિત રહીને પર્યાવરણ જાગૃતિનો સંદેશો પાઠવ્યો હતો.