ઇન્ડોનેશિયાના બોર્નિયો ટાપુ પર બે પામ તેલના વાવેતર વચ્ચે ઉડતા હેલિકોપ્ટરમાં સવાર તમામ આઠ લોકોના મોત થયા હોવાનું ઇન્ડોનેશિયન અધિકારીઓએ શુક્રવારે જણાવ્યું હતું.પીટી મેથ્યુ એર નુસંતારાની માલિકીનું એરબસ H130 હેલિકોપ્ટર ગુરુવારે પશ્ચિમ કાલીમંતન પ્રાંતના મેલાવી જિલ્લામાંથી ઉડાન ભરી હતી. ટેકઓફ કર્યાના પાંચ મિનિટ પછી જ સંપર્ક તૂટી ગયો હતો. હેલિકોપ્ટર કુબુ રયા જિલ્લામાં બીજા પામ ઓઇલ પ્લાન્ટેશન તરફ જઈ રહ્યું હતું.
રાષ્ટ્રીય શોધ અને બચાવ એજન્સી અને પરિવહન મંત્રાલયના જણાવ્યા અનુસાર, શોધ ટીમોએ પાછળથી સેકાદાઉ જિલ્લામાં ગાઢ જંગલોમાં હેલિકોપ્ટરનો કાટમાળ શોધી કાઢ્યો અને બે ક્રૂ સભ્યો અને છ મુસાફરોના મૃતદેહ બહાર કાઢ્યા. માર્યા ગયેલા લોકોમાં એક મલેશિયન નાગરિકનો પણ સમાવેશ થાય છે. લગભગ 270 મિલિયનની વસ્તી ધરાવતો વિશાળ દ્વીપસમૂહ રાષ્ટ્ર, ઇન્ડોનેશિયા સતત પરિવહન અકસ્માતોનો સામનો કરી રહ્યું છે. વિમાન, હેલિકોપ્ટર ક્રેશ અને ફેરી ડૂબવાની ઘટનાઓ વારંવાર બને છે.
