નવી દિલ્હીઃ ઓસ્ટ્રેલિયાએ ભારત સામેની મધ્ય શ્રેણી દરમિયાન પોતાની ટીમમાં મોટા ફેરફારો કર્યા છે. 29 ઓક્ટોબરથી શરૂ થનારી છેલ્લી ODI અને T20 શ્રેણીની ટીમમાં આ ફેરફારો જોવા મળ્યા છે. ઓસ્ટ્રેલિયાની ટીમમાં આ ફેરફારની અસરમાં 9 ખેલાડીઓ આવ્યા છે. સૌથી મોટા સમાચાર ગ્લેન મેક્સવેલ વિશે છે, જે પોતાની ઈજામાંથી સાજા થયા બાદ વાપસી કરી રહ્યો હોય તેવું લાગી રહ્યું છે. ન્યૂઝીલેન્ડ સામેની શ્રેણી પહેલા નેટ પ્રેક્ટિસ દરમિયાન મેક્સવેલના કાંડામાં ફ્રેક્ચર થયું હતું, જેના કારણે તેણે ક્રિકેટથી દૂર રહેવું પડ્યું હતું. પરંતુ, હવે તે ભારત સામેની T20 શ્રેણી માટે ઓસ્ટ્રેલિયન ટીમમાં પુનરાગમન કરતો જોવા મળશે.
ઓસ્ટ્રેલિયાની T20 ટીમના 6 ખેલાડીઓ અંગે અપડેટ
ગ્લેન મેક્સવેલ સિવાય ઓસ્ટ્રેલિયાની T20 ટીમમાં 4 વધુ ખેલાડીઓને લઈને પણ અપડેટ છે. હવે સવાલ એ છે કે ઓસ્ટ્રેલિયાની ટી-20 ટીમમાં થયેલા ફેરફારો બાદ કોણ અંદર રહેશે અને કોણ બહાર થશે.
ભારત અને ઓસ્ટ્રેલિયા વચ્ચે 5 T20 મેચોની સીરીઝ રમાવા જઈ રહી છે. ગ્લેન મેક્સવેલ તેની પ્રથમ બે મેચમાંથી બહાર થઈ જશે. પરંતુ, તેને ત્રીજી, ચોથી અને પાંચમી ટી-20 માટે ટીમમાં સામેલ કરવામાં આવ્યો છે. બેન દ્વારશુઈસને ચોથી અને પાંચમી ટી20 માટે પસંદ કરવામાં આવ્યો છે. જ્યારે 20 વર્ષીય ફાસ્ટ બોલર મહાલી બીર્ડમેનને ત્રીજી, ચોથી અને 5મી T20 માટે સરપ્રાઈઝ પેકેજ તરીકે પસંદ કરવામાં આવ્યો છે. આ બધા સિવાય જોશ ફિલિપ પાંચેય T20માં ઓસ્ટ્રેલિયન ટીમનો ભાગ હશે.
ઓસ્ટ્રેલિયાની T20 ટીમમાંથી 2 ખેલાડીઓને બહાર કરવામાં આવશે. આમાં પહેલું નામ જોશ હેઝલવુડનું હશે, જે પ્રથમ બે T20 બાદ બહાર થઈ જશે. અન્ય ખેલાડી જે આઉટ થશે તે શોન એબોટ હશે. એબોટ પ્રથમ 3 T20 બાદ બહાર થઈ જશે.
ઓસ્ટ્રેલિયાની ODI ટીમના 3 ખેલાડીઓ અંગે અપડેટ
ઓસ્ટ્રેલિયાએ તેની છેલ્લી વનડે માટે પણ ટીમમાં ફેરફાર કર્યા છે. ભારત સામે તેની છેલ્લી ODI 25 ઓક્ટોબરે છે, જેમાં જેક એડવર્ડ્સ અને મેટ કુન્હમેન પરત ફર્યા છે. જ્યારે માર્નસ લાબુશેન ત્રીજી વનડે માટે ટીમની બહાર છે.
