દિવાળી 2025: આ વખતે પણ સમગ્ર વિશ્વમાં દિવાળીનો તહેવાર ખૂબ જ ઉત્સાહ અને ઉમંગ સાથે ઉજવવામાં આવી રહ્યો છે. આ પ્રસંગે ઘણા દેશોના નેતાઓએ લોકોને શુભેચ્છા પાઠવી હતી અને આ તહેવારને આશાનું પ્રતિક અને અંધકાર પર પ્રકાશની જીત ગણાવ્યો હતો.
અમેરિકાના રાષ્ટ્રપતિ ડોનાલ્ડ ટ્રમ્પે દિવાળીની શુભેચ્છા પાઠવતા કહ્યું કે આ તહેવાર આશા, શાંતિ અને પ્રકાશનો સંદેશ આપે છે. તેમણે અમેરિકામાં દિવાળીની ઉજવણી કરી રહેલા તમામ લોકોને શુભેચ્છા પાઠવી હતી.
ઓસ્ટ્રેલિયાના વડા પ્રધાન એન્થોની અલ્બેનિસે પણ દિવાળીની શુભેચ્છા પાઠવી હતી અને કહ્યું હતું કે આ તહેવાર લોકોના જીવનમાં પ્રકાશ અને ખુશીઓ લાવે. UAEના શાસક શેખ મોહમ્મદ બિન રાશિદ અલ મકતુમે પણ દિવાળીને શાંતિ, સુરક્ષા અને સમૃદ્ધિનું પ્રતીક ગણાવ્યું હતું.
ઇઝરાયેલના વડા પ્રધાને ભારતના વડા પ્રધાન મોદી અને ભારતીય જનતાને દિવાળીની હાર્દિક શુભેચ્છાઓ પાઠવી હતી. તેમણે કહ્યું કે ભારત અને ઈઝરાયેલ મિત્રતા, નવીનતા અને ઉજ્જવળ ભવિષ્યના ભાગીદાર છે.
તેમની ભારત મુલાકાતને યાદ કરતાં બ્રિટિશ વડા પ્રધાન કીર સ્ટારમેરે જણાવ્યું હતું કે તેમણે મુંબઈમાં દીવો પ્રગટાવ્યો હતો, જે ભક્તિ અને નવા સંબંધોનું પ્રતીક છે. તેમણે સોશિયલ મીડિયા પર હિન્દુ, જૈન અને શીખ સમુદાયને દિવાળી અને બંદી ચોર દિવસની શુભેચ્છા પાઠવી હતી. તેમણે હિન્દીમાં પણ અભિનંદન પાઠવ્યા હતા.
