બ્રાઝિલની રાજધાની રિયો ડી જાનેરોમાં સુરક્ષા એજન્સીઓએ ગુનેગારો અને ગેંગસ્ટરો વિરુદ્ધ મોટું અભિયાન શરૂ કર્યું છે. આ કાર્યવાહીમાં ચાર પોલીસ અધિકારીઓ સહિત લગભગ 80 લોકોના મોત થયા છે, જેના કારણે આંતરરાષ્ટ્રીય સ્તરે ચિંતા વ્યક્ત કરવામાં આવી રહી છે. અચાનક શરૂ થયેલા આ અભિયાને સૌને ચોંકાવી દીધા છે.
મંગળવારે બ્રાઝિલના ગવર્નર ક્લાઉડિયો કાસ્ટ્રોએ એક વીડિયો સ્ટેટમેન્ટ જારી કરીને કહ્યું કે આ ઓપરેશન હેઠળ 60 કથિત અપરાધીઓ માર્યા ગયા અને 250થી વધુ ધરપકડ અને સર્ચ વોરંટ જારી કરવામાં આવ્યા. તેમણે કહ્યું કે 81 લોકોની અટકાયત કરવામાં આવી છે અને મોટી સંખ્યામાં હથિયારો જપ્ત કરવામાં આવ્યા છે. કાસ્ટ્રોએ સ્પષ્ટ કહ્યું,
આ અભિયાન એવા સમયે શરૂ કરવામાં આવ્યું છે જ્યારે આગામી સપ્તાહે રિયોમાં C40 વર્લ્ડ મેયર્સ ક્લાઈમેટ કોન્ફરન્સ યોજાવાની છે. બ્રાઝિલમાં આવી મોટી ઘટનાઓ પહેલા ઘણીવાર સુરક્ષા અભિયાન ચલાવવામાં આવે છે. રિયોની બહારના વિસ્તારમાં ઘણી ગેંગ સક્રિય છે જે ડ્રગ્સની હેરાફેરી, ખંડણી અને સંગઠિત ગુનામાં સામેલ છે.
આ કાર્યવાહી ઓપરેશન કન્ટેનમેન્ટનો એક ભાગ હતી, જેનો મુખ્ય ઉદ્દેશ્ય કમાન્ડો વર્મેલ્હો ગેંગ (રેડ કમાન્ડ)ને ખતમ કરવાનો હતો. અધિકારીઓએ જણાવ્યું કે આ ઓપરેશનમાં ઓછામાં ઓછી 42 રાઈફલો જપ્ત કરવામાં આવી છે.
કાસ્ટ્રોએ સોશિયલ મીડિયા પર લખ્યું,
આ પણ વાંચો- ઇઝરાયેલ-હમાસ સંઘર્ષ ફરી ભડક્યો, યુદ્ધવિરામ બાદ ગાઝા પર હુમલો
