હવે સવાલ એ છે કે તેમ્બા બાવુમાની વિકેટ કુલદીપ યાદવ માટે ખાસ કેવી રીતે બની? ભારતના ચાઈનામેન બોલરે દક્ષિણ આફ્રિકાના કેપ્ટનની વિકેટ લઈને ખરેખર મોટી સિદ્ધિ હાંસલ કરી છે. આ કરીને તેણે ભારતની ધરતી પર પોતાની 150 વિકેટ પૂરી કરી. અર્થાત, ટેમ્બા બાવુમા ભારતમાં લીધેલી આંતરરાષ્ટ્રીય વિકેટોમાં તેનો 150મો શિકાર હતો.
કુલદીપ યાદવે લેગ સ્લિપમાં ઉભેલા ધ્રુવ જુરેલના હાથે ટેમ્બા બાવુમાને કેચ કરાવીને પેવેલિયનનો રસ્તો બતાવ્યો હતો. કેપ્ટન બાવુમા 11 બોલનો સામનો કરીને માત્ર 3 રન બનાવી શક્યો હતો.
કુલદીપ યાદવ 150 આંતરરાષ્ટ્રીય વિકેટ લેનાર ભારતનો 9મો બોલર છે. તેણે 87 ઇનિંગ્સમાં આ સિદ્ધિ મેળવી છે. કુલદીપ પહેલા 150 કે તેથી વધુ વિકેટ લેનારા 8 બોલરોમાં અનિલ કુંબલેનું નામ 476 વિકેટ સાથે ટોપ પર છે. તેના પછી 193 ઇનિંગ્સમાં 475 વિકેટ સાથે અશ્વિનનો નંબર આવે છે. હરભજને 201 ઇનિંગ્સમાં 380 વિકેટ લીધી છે. રવિન્દ્ર જાડેજા પણ હાલમાં ભારતમાં 377 આંતરરાષ્ટ્રીય વિકેટ ધરાવે છે. કપિલદેવે 202 ઇનિંગ્સમાં 319 વિકેટ લીધી છે. જ્યારે શ્રીનાથે 211, ઝહીરે 201 અને મોહમ્મદ શમીના નામે 168 વિકેટ છે.
