શુભમન ગિલના જણાવ્યા અનુસાર, ટીમ ઈન્ડિયા પણ એ જ પ્લેઈંગ ઈલેવન સાથે એડિલેડમાં પ્રવેશી છે જેની સાથે તેણે પર્થમાં પ્રથમ વનડે રમી હતી. બીજી તરફ ઓસ્ટ્રેલિયાની વાત કરીએ તો એલેક્સ કેરી, ઝેવિયર બાર્ટલેટ અને એડમ ઝમ્પા પોતાની ટીમમાં પરત ફર્યા છે. આ ત્રણેય ખેલાડીઓએ જોશ ફિલિપ્સ, નાથન એલિસ અને મેટ કુનહેમેનની જગ્યા લીધી છે.
રોહિત શર્મા, શુભમન ગિલ, વિરાટ કોહલી, શ્રેયસ ઐયર, કેએલ રાહુલ, નીતિશ રેડ્ડી, અક્ષર પટેલ, વોશિંગ્ટન સુંદર, હર્ષિત રાણા, મોહમ્મદ સિરાજ, અર્શદીપ સિંહ
મિશેલ માર્શ, ટ્રેવિસ હેડ, મેથ્યુ શોર્ટ, મેથ્યુ રેનશો, એલેક્સ કેરી, કૂપર કોનોલી, મિશેલ ઓવેન, ઝેવિયર બાર્ટલેટ, મિશેલ સ્ટાર્ક, એડમ ઝમ્પા, જોશ હેઝલવુડ
આ પહેલા ટોસ દરમિયાન ફરી એકવાર સિક્કો ભારતીય કેપ્ટન શુભમન ગિલના પક્ષમાં ન ગયો. ઓસ્ટ્રેલિયાના કેપ્ટન મિચેલ માર્શે ટોસ જીતીને ભારતને પ્રથમ બેટિંગ કરવાનું આમંત્રણ આપ્યું હતું. ઓસ્ટ્રેલિયાના પ્રથમ બોલિંગના નિર્ણય બાદ શુભમન ગિલે કહ્યું કે પિચ ઢંકાયેલી હોવાથી તે પણ પહેલા બોલિંગ કરવા માંગતો હતો. પરંતુ તે પહેલા બેટિંગ કરવા માટે પણ તૈયાર છે.
